Віктар Пракапеня: Увесці мараторый на выкананне смяротнага пакарання было б разумна
Сёння бачны эканамічны эфект ад любога рашэння — і гэта трэба абмяркоўваць, пра гэта трэба дамаўляцца. Такое меркаванне выказаў, выступаючы на КЭФ-2018, заснавальнік VP Capital Віктар Пракапеня.
Пракапеня адзначыў, што многія рашэнні мы прымаем без уліку эканамічнага складніка, і гэта недапушчальна. А магчымасці для такой ацэнкі ёсць. Напрыклад, праз стаўкі беларускіх еўрабондаў. «Напрыклад, адмяніце смяротнае пакаранне — і краіна заплаціць на некалькі працэнтных пунктаў менш. Значыць, 200 мільёнаў даляраў нам каштуе расстраляць 5 чалавек… Трэба разумець не толькі, добра гэта ці дрэнна, але і колькі гэта каштуе. Палічыце, і высветліцца, што ўвесці мараторый на выкананне смяротнага пакарання — цалкам разумна», — разважаў Пракапеня.
Аналагічна і з ацэнкай укладу ў ВУП. «Напрыклад, сілавікі «закрылі» бізнэсмена, атрымалі 1 мільён долараў, і яны малайцы. А што краіна губляе 100 мільёнаў даляраў — гэтага ніхто не лічыць», — аргументаваў бізнэсмен.
Пры гэтым ён упэўнены, што ў ІТ патэнцыял вышэйшы, чым у традыцыйных галін эканомікі. «У ІТ практычна няма сыравіны, у гэтым перавага, гэта крыніца незалежнасці, магчымасці прымаць рашэнні. Мазгі — гэта тое, у што сёння варта ўкладваць грошы», — падкрэсліў ён.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея за Столінскага раёна, які пасля вызвалення з калоніі забіў трох чалавек
«Пасля першага забойства з ім развялася жонка». Што вядома пра шматдзетнага Сяргея за Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары