Кіраўнік Беларусі прыбыў у храм незадоўга да пачатку адпявання і стаў ля труны патрыярха. Крыху пазней месца побач з Лукашэнкам заняў прэзідэнт Расіі Дзмітрый Мядзведзеў.
Аляксандр Лукашэнка прысутнічае ў храме Хрыста Збаўцы на цырымоніі адпявання патрыярха Маскоўскага і ўсёй Русі Аляксія ІІ.
Кіраўнік беларускай дзяржавы спецыяльна прыехаў у Маскву для ўдзелу ў жалобных мерапрыемствах ў сувязі са смерцю кіраўніка Рускай праваслаўнай царквы.
Аляксандр Лукашэнка прыбыў у храм незадоўга да пачатку адпявання і стаў каля труны Аляксія ІІ. Крыху пазней месца побач з прэзідэнтам Беларусі заняў прэзідэнт Расіі Дзмітрый Мядзведзеў.
На цырымоніі таксама прысутнічаюць прэм'ер-міністр Расіі Уладзімір Пуцін, прэзідэнт Малдовы Уладзімір Варонін, прэзідэнт Арменіі Серж Саргсян, прэзідэнт Сербіі Барыс Тадзіч, прэзідэнт Абхазіі Сяргей Багапш, прэзідэнт Паўднёвай Асеціі Эдуард Какойты.
Развітацца з Аляксіем II у расійскую сталіцу прыехалі таксама многія палітыкі з краін СНД і Балтыі: сакратар Савета нацыянальнай бяспекі і абароны Украіны Раіса Багатырова, кіраўнік Партыі рэгіёнаў Украіны Віктар Януковіч, міністры замежных спраў Эстоніі і Латвіі Урмас Паэт і Марыс Рыекстыньш і іншыя.
Акрамя таго, аддаць даніну павагі кіраўніку Рускай праваслаўнай царквы прыбылі высокапастаўленыя рэлігійныя дзеячы іншых канфесій.
Адпяванне Аляксія II праводзіцца паводле асаблівага манаскага чыну. Пасля адпявання труна з целам Аляксія II пад памінальны бой званоў будзе абнесена вакол храма Хрыста Збаўцы. Затым жалобная працэсія накіруецца праз цэнтр Масквы да Богаяўленскага сабора, дзе і будзе пахаваны патрыярх.
Каментары