Сустрэча прэзыдэнтаў Расеі і ЗША Ўладзіміра Пуціна і Дональда Трампа заплянаваная на 28 чэрвеня, пасьля першага пасяджэньня саміту G20 у японскай Осацы, паведаміў журналістам памочнік расейскага лідэра Юры Ушакоў.
«Сустрэча з Трампам — арыенціровачна ў дзьве гадзіны, у тры гадзіны — другое рабочае пасяджэньне саміту», — сказаў Ушакоў.
На просьбу ўдакладніць, ці азначае гэта, што на размову лідэраў закладзеная гадзіна, памочнік прэзыдэнта адзначыў: «Прыкладна так, як атрымаецца — цяжка сказаць».
Агучыў ён і парадак дня сустрэчы:
«Шмат што будзе залежаць ад лідэраў, як яны пабудуюць гутарку. Але пытаньні лягічныя: і агульны стан двухбаковых справаў, стратэгічная стабільнасьць, і шматлікія рэгіянальныя канфлікты — тут і Сырыя, і Аўганістан, і Ўкраіна, і Вэнэсуэла, натуральна, іранская праблема і гэтак далей», — сказаў памочнік прэзыдэнта Расеі.
Апошні раз Трамп сустракаўся з Пуціным у фармаце сам-насам у Хэльсынкі ў ліпені 2018 году. Пасьля гэтай сустрэчы амэрыканскія заканадаўцы рэзка раскрытыкавалі Трампа за тое, што ён ня мае жорсткай пазыцыі што да адказнасьці за выяўленае спэцслужбамі ЗША ўмяшаньне ў амэрыканскія выбары 2016 году. Апошнім часам амэрыканскі прэзыдэнт у публічных закліках намякае на жаданьне палепшыць стасункі з Расеяй, у прыватнасьці з Уладзімірам Пуціным.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары