Супраць фонду Навальнага ў Расіі распачалі крымінальную справу аб адмыванні грошай
Як паведаміла афіцыйны прадстаўнік Следчага камітэта РФ Святлана Пятрэнка, гаворка ідзе пра суму ў памеры 1 млрд рублёў, піша bbc.com.
«Следчым камітэтам распачата крымінальная справа аб здзяйсненні фінансавых аперацый з грашовымі сродкамі, заведама набытымі іншымі асобамі злачынным шляхам», - сказала яна.
Да гэтага МУС Расіі перадало ў Следчы камітэт матэрыялы крымінальнай справы, паводле якіх супрацоўнікі фонду Навальнага, а таксама людзі з ім звязаныя, у перыяд са студзеня 2016 па снежань 2018 года «атрымалі ад трэціх асоб буйную суму грошай у рублях і замежнай валюце, якія загадзя для іх былі набытыя злачынным шляхам».
Як вынікае з заявы, апублікаванай на сайце Следчага камітэта, гэтыя сродкі былі ўнесеныя праз банкаматы ў Маскве на банкаўскія рахункі, а затым пераведзены на бягучыя рахункі Фонду барацьбы з карупцыяй (ФБК).
Зараз, як паведамляе СК, высвятляюцца асобы ўсіх тых, хто меў дачыненне да гэтай аперацыі, а таксама крыніцы атрымання сродкаў і іх аб'ём.
Першым пра новую крымінальную справу паведаміла выданне «Праект», грунтуючыся на сваіх крыніцах. Каментуючы гэтую публікацыю, кіраўнік штаба Навальнага Леанід Волкаў напісаў: «Хочуць, здаецца, абвясціць усе ахвяраванні (якія ішлі праз мае рахункі)» адмываннем «(цікава, чаго?) - гэта значыць зрабіць фінансаванне рэгіянальных штабоў Навальнага немагчымым».
Сам Аляксей Навальны і дырэктар фонду Іван Жданаў знаходзяцца пад адміністрацыйным арыштам, а юрыст фонду Любоў Собаль затрыманая ў часе пратэстаў у Маскве.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома11
Каментары