Невядомы паведаміў, што ў Мінску замініраваны вакзал і два самалёты
Сёння ў 17.29 у Магілёўскае аддзяленне БЧ па электроннай пошце паступіла паведамленне аб нібыта закладзенай выбуховай прыладзе ў будынку чыгуначнага вакзалу ў Мінску. Таксама дзве выбуховыя прылады нібыта закладзеныя ў самалётах рэйсаў «Мінск-Кіеў» і «Мінск-Калінінград», якія павінны былі вылятаць сёння вечарам з аэрапорта «Мінск-2». Пра гэта паведаміла афіцыйны прадстаўнік МУС Вольга Чамаданава.
У цяперашні час з будынка чыгуначнага вакзалу эвакуіруюцца наведвальнікі. Таксама правяраюцца самалёты названых рэйсаў.
На месцах працуюць следча-аператыўныя і сапёрна-піратэхнічныя групы, міліцыя, МНС.
А 20.07 прадстаўнік МУС паведаміла, што пошук выбуховых прыладаў на вакзале і ў самалётах скончаны. Выбухоўка выяўленая не была. І цяпер пачынаецца пошук таго, хто даслаў лісты пра мініраванне.
«Падобныя «пасланні» вельмі дорага абыходзяцца дзяржаве, таму пакаранне ілжэмінёра прадугледжана вельмі нежартоўнае. Аж да сямі гадоў пазбаўлення волі», — гаворыцца ў паведамленні.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары