Віцебскі грыбнік заблукаў у лесе і дзесяць дзён шукаў дарогу дадому. Дайшоў аж да Расіі
Жыхар Віцебскага раёна заблукаў у лесе і дзесяць дзён шукаў дарогу дадому, паспеўшы пабываць за гэты час у Расіі, паведамляе міліцыя.
50-гадовы мужчына з вёскі Валькі сышоў у лес па ягады і грыбы 13 жніўня. У лесе ў нейкі момант яму стала дрэнна. А калі ён апамятаўся, то зразумеў, што заблукаў. Стаў шукаць дарогу дадому, выйшаў да ракі і некалькі дзён пражыў каля яе, еў ягады, піў рачную ваду. Набраўшыся сіл, грыбнік працягнуў дарогу, толькі ён не набліжаўся да дому, а аддаляўся ад яго і апынуўся на тэрыторыі Смаленскай вобласці. Мужчына зноў апынуўся ў Беларусі 21 жніўня. У памежнай вёсцы Кажуроўшчына Лёзненскага раёна грыбнік сустрэў пастуха, пагаварыўшы з якім, зразумеў, які доўгі шлях прайшоў.
Пастух дапамог яму зарыентавацца і паказаў напрамак дарогі дадому. Сёння грыбнік паспяхова вярнуўся. Яго агледзелі медыкі — на шчасце, іх дапамога не спатрэбілася.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары