Брытанская дзяўчынка знайшла на каляднай паштоўцы пасланне з кітайскай турмы
Брытанская сетка супермаркетаў Tesco прыпыніла супрацоўніцтва з заводам у Кітаі, на якім вырабляюцца калядныя паштоўкі, у сувязі з падазрэннямі ў тым, што там выкарыстоўваецца рабская праца зняволеных, піша bbc.com.
Шасцігадовая брытанская дзяўчынка адкрыла дома ўпакоўку паштовак, набытую ў Tesco і выявіла, што на паштоўцы з выявай кацяняці хтосьці ўжо нешта напісаў.
Надпіс загалоўнымі літарамі абвяшчаў: «Мы зняволеныя-замежнікі ў кітайскай турме Цінпу ў Шанхаі. Нас прымушаюць працаваць супраць нашай волі. Дапамажыце нам і паведаміце праваабарончым арганізацыям».
Былыя зняволеныя гэтай турмы пацвердзілі, што там практыкуецца прымусовая праца на зборачных і ўпаковачных участках розных прадпрыемстваў.
Каментары