Разгортванне — да 60 секунд. У Мінску паказалі рэактыўную сістэму залпавага агню «Флейта» ФОТА
Баявую машыну РСЗА «Флейта» на базе бронеаўтамабіля «Асілак» SHTS і рухомы пункт кіравання на базе бронеаўтамабіля «Асілак» АРС-6 прэзентавалі сёння ў Мінску падчас калегіі Дзяржкамваенпрама, піша БелТА.
«Флейта» камплектуецца аўтаматызаванай сістэмай кіравання «Альянс», а таксама бартавым навігацыйным комплексам. Дзякуючы гэтаму павялічваецца дакладнасць стральбы рэактыўнай ўстаноўкі і з'яўляецца магчымасць задзейнічаць яе ў складзе звяна пад кіраўніцтвам адзінага цэнтра ўпраўлення. Разгортванне на мясцовасці — не больш за 60 секунд. Час падрыхтоўкі да залпу займае да 30 секунд.
Пускавая ўстаноўка прызначаная для стральбы некіраванымі снарадамі С-8, якія ўжываюцца ў авіяцыі. Далёкасць стральбы — да 5 км. У перспектыве яна можа быць павялічаная.
РСЗА прызначаная для падаўлення жывой сілы і агнявых сродкаў. Боепрыпасы вельмі шырокія: ад аскепкава-фугасных да запальных. «Флейта» прызначаная для непасрэднай агнявой падтрымкі падраздзяленняў сухапутных войскаў, сіл спецыяльных аперацый. Лафет устаноўкі ўключае 80 напраўляючых.
Працу над «Флейтай» плануецца завяршыць у гэтым годзе.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс8
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары