Банк Дабрабыт атрымаў статус «Брэнда года» за правядзенне рэбрэндынгу ў пачатку мінулага года. Фінансавая ўстанова першай сярод банкаў краіны перайшла на беларускамоўную назву і стала выкарыстоўваць родную мову ў афармленні аддзяленняў і камунікацыі.
Банк Дабрабыт атрымаў прэмію «Брэнд года 2019» у прафесійнай намінацыі. Журы конкурсу высока ацаніла праведзены рэбрэндынг. Акрамя таго, фінансавы інстытут атрымаў узнагароду ў катэгорыі «Банкі і фінансавыя паслугі».
Да рэбрэндынгу фінансавая ўстанова каля 20 гадоў працавала пад назвай Масква-Мінск. Напачатку 2019 года банк абвясціў пра змену назвы і новае пазіцыянаванне. Новы брэнд звернуты да нацыянальнай тэматыкі. Лагатып адсылае да беларускай сімволікі, а слова «дабрабыт» азначае багацце, матэрыяльны дастатак і забяспечанасць.
Банк Дабрабыт — адзін з самых паспяховых фінансавых інстытутаў у Беларусі. Асноўным акцыянерам выступае Нацыянальны банк (99,75% акцый), а астатні пакет застаецца за Парытэтбанкам. Дабрабыт пастаянна паказвае прыбытак. Сярод ключавых кірункаў — абслугоўванне малога і сярэдняга бізнесу, валютна-абменныя аперацыі, факторынг.
Прэмія «Брэнд года» праходзіць ужо 19 гадоў. Пераможцаў і прызёраў штогод вызначаюць у больш як 150 катэгорыях у прафесійнай, спажывецкай і сацыяльнай намінацыях.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары