Сёлета «Белавія» пачне лятаць у Вену, Ташкент і іспанскі Рэус
Авіякампанія «Белавія» ў 2020 годзе запусціць рэгулярныя рэйсы ў Вену, Ташкент і іспанскі Рэус. Пра гэта паведаміў дырэктар Дэпартамента па авіяцыі Міністэрства транспарту і камунікацый Арцём Сікорскі ў інтэрв'ю праграме «Тыдзень» на тэлеканале СТВ, паведамляе БелТА.
«У мінулым годзе маршрутная сетка авіякампаніі «Белавія» пашырылася. У гэтым годзе таксама дададуцца тры маршруты. Гэта рэгулярныя рэйсы ў Вену, Ташкент і іспанскі Рэус. Флот таксама будзе пашырацца. У красавіку плануецца пастаўка самалёта Embraer проста з завода. Другі самалёт Embraer новага пакалення чакаецца да канца гэтага года. Плануецца таксама пастаўка двух самалётаў Boeing», — сказаў Арцём Сікорскі.
Каментары