Экспарт нафтапрадуктаў з Беларусі знізіўся ў студзені амаль на 70%
Паводле звестак Белстату, у студзені сёлета экспарт нафтапрадуктаў склаў 305.5 тысячаў тонаў, у студзені летась ён складаў 1006.3 тысячаў тонаў, піша «Радыё Свабода».
Сёлетні студзеньскі экспарт нафтапрадуктаў склаў усяго 30.4% ад экспарту нафтапрадуктаў у студзені 2019 году — зьніжэньне амаль на 70%.
Па кошце падзеньне было менш істотным, але таксама значным: у студзені 2020 году ў параўнаньні са студзенем 2019 году кошт экспартаваных нафтапрадуктаў зьнізіўся на 62.3%.
Асабліва істотна зьнізіўся экспарт нафтапрадуктаў з Беларусі на заходнім накірунку: у цэлым у ЭЗ у студзені 2020 году было прададзена толькі 16% ад леташніх аб’ёмаў, у Польшчу і Вялікабрытанію — 20% ад леташніх абʼёмаў, у Нідэрлянды (у мінулым адзін з галоўных імпартэраў беларускіх нафтапрадуктаў) сёлета было прададзена толькі 6.7% абʼёмаў, прададзеных у студзені 2019 году.
Зьніжэньне экспарту нафтапрадуктаў было прыкладна адпаведным зьніжэньню ўтрая імпарту сырой нафты ў студзені 2020 году ў параўнаньні са студзенем 2019 году.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя13
Каментары