У Кітаі ўпершыню ад студзеня не зарэгістравалі ніводнай смерці ад каранавіруса
У мацерыковай частцы Кітая ўпершыню са студзеня за суткі ніхто не памёр ад каранавіруснай інфекцыі COVID-19, паводле Нацыянальнай камісіі па ахове здароўя КНР. Заразіліся ў краіне за дзень 32 чалавекі, пры гэтым усе новыя выпадкі аказаліся завазнымі, піша rbc.ru.
Усяго з пачатку эпідэміі, паводле афіцыйнай статыстыкі, колькасць тых, хто заразіўся ў Кітаі, складае больш за 81,7 тыс. чалавек, памерлі ад ускладненняў, выкліканых каранавірусам, звыш 3,3 тыс. Большая частка інфікаваных — больш за 77 тыс. чалавек — пры гэтым адужала, і па гэтым паказчыку Кітай працягвае лідзіраваць.
Зараз у краіне застаецца 1242 інфікаваныя.
У Дзяржкамітэце па пытаннях аховы здароўя КНР кажуць, што Кітаю ўдалося спыніць распаўсюд каранавіруса, але ў краіне магчымы новы віток барацьбы з COVID-19, паколькі лік завозных выпадкаў расце.
У канцы сакавіка ў кітайскім горадзе Ухань, з якога пачалося пашырэнне каранавіруса, часткова аднавіла працу метро, якое з-за каранціну было зачынена два месяцы. Пазней у правінцыі Хубэй, адміністрацыйным цэнтрам якой з'яўляецца Ухань, аднавілі ўнутраныя авіязносіны. Зноў адкрыліся ўсе аэрапорты, акрамя міжнароднага аэрапорта Цянхэ.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары