«Ён проста рамантаваў ровар». У цэнтры Гродна міліцыя затрымала веласіпедыстаў
15 ліпеня каля 20:00 на Савецкай плошчы супрацоўнікі АМАПа затрымалі двух веласіпедыстаў, якія рамантавалі ровар. Па словах відавочцаў, веласіпедысты нічога не выкрыквалі, паведамляе Hrodna.life.
У гэты дзень у Гродне, згодна з паведамленнямі telegram-каналаў, павінны быў прайсці несанкцыянаваны велапрабег, але праз адсутнасць удзельнікаў ён не адбыўся. Нягледзячы на гэта, міліцыя і супрацоўнікі ДАІ спынялі раварыстаў у цэнтры горада.
Двух гродзенцаў затрымалі на Савецкай плошчы. Адзін з іх — гродзенскі спартсмен Сяргей Нікулін.
«Хлопцы сядзелі на лаўцы і наладжвалі ровар. Паспелі зняць кола, як да іх пад’ехаў бус і адтуль выйшлі тры чалавекі ў цывільным адзенні. Так вось і затрымалі. Веласіпедысты нічога не выкрыквалі», — распавёў сведка затрымання.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары