Кандыдат на пасаду прэзідэнта краіны Святлана Ціханоўская выступіла са зваротам да народа. Разам з ёй былі паплечніцы Марыя Калеснікава і Вераніка Цапкала.
Ціханоўская адзначыла, што беларусаў не трэба дзяліць: «Мы ўсе беларусы, мы ўсе сям'я».
«Беларусь не належыць палітыкам, прэзідэнтам, партыям або групам. Беларусь належыць толькі сабе і свайму народу. Калі хтосьці кажа, што не аддасць краіну іншай уладзе, мы не разумеем гэтых слоў. Каму не аддасць, як не аддасць? Няўжо яе нехта прысвоіў, каб аддаваць», — кажа Ціханоўская.
Беларусы не ўласнасць, а краіна не павінна належаць аднаму чалавеку, кажа Ціханоўская.
Вераніка Цапкала заявіла, што Беларусь прачнулася, і на яе цяпер глядзіць увесь свет.
«Пра гэтае лета вы распавядзеце вашым дзецям і ўнукам», — сказала яна.
«Улады кажуць, што Беларусь любая, а любімую не аддаюць. А мы кажам: сілком не будзеш любы, а калі любіш — адпусці», — сказала Марыя Калеснікава.
Арыштавалі прадстаўнікоў кампаніі Bayer у Беларусі15
Каментары