«Здароўе даражэйшае»: Лябедзька, які сядзіць у Баранавічах, спыніў галадоўку
Экс-кіраўнік Аб'яднанай грамадзянскай партыі адбывае адміністрацыйны арышт у Баранавічах. Учора жонка адвезла яму перадачу, піша «Народная воля».
Нагадаем, што Анатоля Лябедзьку судзілі за ўдзел у несанкцыянаванай акцыі, яго затрымалі 8 кастрычніка, ён атрымаў 15 сутак. Пасля рашэння суда палітык у знак пратэсту абвясціў галадоўку.
— Святлана, раскажыце, якія апошнія навіны ад вашага мужа? Як самаадчуванне? Ён працягвае галадаць?
— З ім у сераду сустракаўся адвакат. Дзякуй Богу, з галадоўкі ён выйшаў. Нам удалося пераканаць яго, што здароўе даражэйшае. Я мужа не бачыла, але, са слоў адваката, ён трымаецца бадзёра. Схуднеў, праўда. Але я вельмі задаволеная, што ён выйшаў з галадоўкі…
— Колькі дзён ён галадаў?
— З мінулага чацвярга, 4-5 дзён, але дакладна сказаць не магу.
Сёння [у чацвер] я ездзіла перадаць яму перадачу. Людзей каля ізалятара вельмі шмат, прычым вельмі шмат машын з мінскімі нумарамі. Перадачы пачынаюць прымаць з дзявятай раніцы, я прыехала каля 9.30 і ўжо была сорак нейкая ў чарзе. А калі з'язджала, там было пад дзевяноста чалавек! Ці паспеюць усе людзі здаць свае перадачы сваякам — вялікае пытанне.
Вельмі хачу спадзявацца, што Анатоля адпусцяць 23 кастрычніка. Нашай унучцы 25 кастрычніка два гады, хацелася б, каб у гэты дзень ён быў з намі.
— Можа, ведаеце, якія ўмовы, колькі чалавек разам з ім у камеры?
— Камера на 10 чалавек, на ўчарашні дзень там было дзевяць арыштантаў. Па словах адваката, халаднавата, але месца спальнае ў мужа ёсць, нават бялізну нейкую выдалі! Ежа — турэмная, самі разумееце. І тое, што я сёння сее-што перадала — мабыць, у іх будзе святочная вячэра. А яшчэ сказалі, што і памыюцца ў душы!
— Перадачу прынялі без пытанняў?
— Перагледзелі і разгарнулі абсалютна ўсё! Нават ручнік прыйшлося разарваць на дзве часткі — сказалі, што занадта вялікае, а ім там ручнікі нібыта наогул не патрэбныя.
— Святлана, спачатку Анатоль быў у СІЗА на Акрэсціна…
— Адразу — так, а потым перавялі ў Баранавічы — там шмат менчукоў, у тым ліку і тыя, каго затрымалі на нядзельнай акцыі пратэсту. Я так разумею, поўны ізалятар…
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары