Генпракуратура распачала справу аб паклёпе за інфармацыю ў тэлеграм-канале «Белыя халаты»
Згодна з матэрыяламі справы, нявысветленая асоба 16 сакавіка «пашырыла заведама ілжывыя выдумкі аб абставінах смерці жанчыны ў кардыялагічным аддзяленні Маладзечанскай цэнтральнай раённай бальніцы», якую ў гэты дзень наведваў Аляксандр Лукашэнка, паведамляе Tut.by.
— Сваякі і медыцынскія работнікі, абураныя скажэннем фактаў і іх тыражаваннем, звярнуліся ў праваахоўныя органы з просьбамі разабрацца ў тым, што здарылася, і даць прававую ацэнку цынічнаму ўчынку, — заявілі ў Генпракуратуры.
Крымінальная справа распачатая па арт. 188 (паклёп) КК Беларусі і накіравана ў Следчы камітэт.
Пра што ідзе гаворка?
Пасля наведвання Аляксандрам Лукашэнкам бальніцы ў Маладзечне, у телеграм-канале «Белыя халаты» з'явілася інфармацыя аб тым, што ў гэты дзень там памерла жанчына — нібыта ахова Аляксандра Лукашэнкі не прапусціла да яе рэаніматолага. Гэтая інфармацыя прайшла незаўважанай, а рэзананс выклікала дзяржаўная прэса, якая стала тыражаваць каментар галоўнага доктара Маладзечанскай ЦРБ Дар'і Калядзіч.
Яна заявіла, што так, факт смерці пацыенткі быў — ад ускладнення, выкліканага ішэмічнай хваробай сэрца. Жанчына памерла ў кардыялагічным корпусе бальніцы. Пры гэтым галоўны доктар паказала, што ў корпусе быў свой дзяжурны рэаніматолаг, а Аляксандр Лукашэнка знаходзіўся ў гэты момант у іншым корпусе.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2222
Каментары