Парламент Косава ў нядзелю выбраў прэзідэнтам Рэспублікі свайго экс-старшыню В'ёсу Асмані. Кандыдатуру 38-гадовай юрысткі падтрымаў 71 дэпутат са 120. А 38 парламентарыяў — дзве апазіцыйныя партыі і палітычная сіла, якая прадстаўляе інтарэсы этнічных сербаў, — байкатавалі галасаванне, піша Deutsche Welle.
portalb.mk
Асмані стала другой жанчынай на пасадзе прэзідэнта Косава. З красавіка 2011 года па красавік 2016-га гэтую пасаду займала Атыфетэ Ях'яга.
Правал галасавання пагражаў датэрміновымі выбарамі ў парламент Косава.
Напярэдадні парламент падчас шматгадзінных дэбатаў не здолеў набраць кворум у 80 чалавек. Правал нядзельнага галасавання ў адпаведнасці з Канстытуцыяй запатрабаваў бы правядзення датэрміновых парламенцкіх выбараў.
Асмані паабяцала быць «прэзідэнтам для ўсіх» і ўмацаваць прававую дзяржаву. Яна часова выконвала абавязкі прэзідэнта пасля сыходу абвінавачанага ў ваенных злачынствах Хашыма Тачы ў адстаўку ў лістападзе 2020 года.
У 2008 годзе Косава ў аднабаковым парадку аб'явіла пра незалежнасць ад Сербіі. Урад у Бялградзе па-ранейшаму лічыць Косава адной са сваіх правінцый. Краіны свету падзяліліся наконт прызнання рэгіёна.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары