У КДБ назвалі прозвішчы 9 чалавек, якія праходзяць у якасці абвінавачаных па справе «дзяржаўнага перавароту»
У якасці абвінавачаных па крымінальнай справе, распачатай КДБ па ч. 1 арт. 357 КК (змова або іншыя дзеянні, здзейсненыя з мэтай захопу дзяржаўнай улады), прыцягнуты 9 чалавек. Пра гэта БелТА паведаміў афіцыйны прадстаўнік КДБ Андрэй Яраш.
Паводле яго слоў, гэта Аляксандр Фядута, Юрый Зянковіч, Рыгор Кастусёў, Вольга Галубовіч, Дзмітрый Шчыгельскі, Аляксандр Перапечка, Павел Кулажанка, Віталь Макаранка і Ігар Макар. Першыя чацвёра ўтрымліваюцца ў следчым ізалятары КДБ.
Генеральная пракуратура ў дачыненні да Шчыгельскага, Перапечкі, Кулажанкі, Макаранкі і Макара завочна прымяніла меру стрымання ў выглядзе заключэння пад варту.
«Следчае ўпраўленне КДБ у кампетэнтныя ўстановы юстыцыі ЗША накіравала просьбу аб аказанні прававой дапамогі, у рамках выканання якой ад запытанага боку патрабуецца вызначыць месцазнаходжанне фігурантаў, правесці іх допыты, выканаць іншыя следчыя і працэсуальныя дзеянні, накіраваныя на ўсебаковае даследаванне ўсіх абставін справы.
Адначасова ініцыяванае пытанне аб экстрадыцыі названых асоб у Беларусь».
«Аналагічныя даручэнні ў дачыненні да Ігара Макара і Віталя Макаранкі найбліжэйшым часам будуць накіраваныя ў Літву і Украіну адпаведна, — распавёў Андрэй Яраш. — Камітэт дзяржбяспекі чакае ад амерыканскіх і іншых замежных партнёраў аператыўнай і ўсебаковай прапрацоўкі нашых запытаў, а таксама станоўчага вырашэння пытанняў аб экстрадыцыі ў Беларусь пералічаных грамадзян для іх прыцягнення да ўстаноўленай законам адказнасці».
Хто тыя людзі, каго абвінавацілі ў падрыхтоўцы замаху на Лукашэнку?
Юрась Зянковіч — амерыканскі адвакат, які меў каласальнае жаданне звяртаць на сябе ўвагу
Вольга Галубовіч арыштаваная па справе «замаху на Лукашэнку»
Цяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»15
Каментары