Гэта краіна Еўропы з 10 верасня цалкам адмяняе каранцін. Там вакцынавалі 79% насельніцтва
Урад Даніі вырашыў не падаўжаць каранцін, уведзены ў сувязі з эпідэміяй каранавіруса. З 10 верасня дзеянне абмежаванняў у краіне заканчваецца. Адпаведнае рашэнне было прынята ў сувязі з высокім узроўнем вакцынацыі насельніцтва.
Улады падкрэслілі, што ў краіне каранавірусная інфекцыя пакуль бяспечная для грамадства.
Як адзначыў кіраўнік Міністэрства аховы здароўя Магнус Хойніке, пандэмія ў Даніі знаходзіцца «пад кантролем».
Аднак ён паабяцаў увесці неабходныя меры, «калі пандэмія зноў паставіць пад пагрозу важныя сферы грамадства».
Паводле статыстыкі Міністэрства аховы здароўя, у Даніі цалкам вакцынавана больш за 4,1 млн чалавек, што складае 79% насельніцтва.
Акрамя таго, за ўвесь час пандэміі ў краіне зафіксавалі 340 тысяч выпадкаў каранавіруса, памерлі ў выніку COVID-19 больш за 2,5 тысячы чалавек.
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары