Міністр спорту паставіў беларускім алімпійцам за Токіа «здавальняюча з маленькім плюсам»
Міністр спорту і турызму Сяргей Кавальчук у эфіры АНТ ацаніў на «здавальняюча з маленькім плюсам» выступленне беларускіх атлетаў на Алімпійскіх гульнях у Токіа.
Сяргей Кавальчук прапанаваў паглядзець на вынікі іншых краін. Так, Літва заваявала адзін медаль, спартсмены Латвіі і Эстоніі двойчы падымаліся на алімпійскі п'едэстал. Казахстан узяў 8 медалёў, але ўсе бронзавыя, Украіна — 19, але золата, як і ў Беларусі, толькі адно. У Азербайджана таксама 7 медалёў.
«Я б паставіў «здавальняюча» з маленькім плюсам, таму што яшчэ ўмовы на гэтай Алімпіядзе былі спецыфічныя: стаўленне да нашай краіны ў пэўных умовах было спецыфічным», — сказаў чыноўнік.
Нагадаем, што сёлета беларускія спартоўцы ўсталявалі антырэкорд за ўвесь час выступленняў на Алімпіядзе — усяго сем медалёў. Чыноўнікі трапілі ў міжнародны скандал з Крысцінай Ціманоўскай, а нацыянальны алімпійскі камітэт — пад санкцыі ЗША.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары