«Гэты крызіс ёсць спробай выклікаць хаос». Прэм'ер і шэф Памежнай службы Польшчы расказалі пра абстаноўку на беларускай мяжы
Прэм'ер-міністр Матэвуш Маравецкі, міністр унутраных спраў і адміністрацыі Марыюш Каміньскі і кіраўнік памежнай службы Томаш Прага правялі сёння прэс-канферэнцыю, прысвечаную становішчу на беларуска-польскай мяжы.
PAP
Па словах кіраўніка польскага МУС Марыюша Каміньскага, з моманту ўвядзення рэжыму надзвычайнага становішча на мінулым тыдні на мяжы з Беларуссю, было зафіксавана 457 спробаў нелегальнага перасячэння мяжы, а з пачатку жніўня было больш за 4000 спробаў.
Па словах прэм'ера Маравецкага, лагер бежанцаў побач з Уснаж-Гурным — гэта прыкрыццё для арганізаванай акцыі беларускіх ведамстваў, — мяркуе Маравецкі.
«Беларускія службы забяспечваюць мігрантаў спецсродкамі, харчаваннем, дапамагаюць ім у спробах перасячэння польскай мяжы», — мяркуе прэм'ер.
Што да будучых вучэнняў «Захад-2021», што маюць распачацца 10 верасня, то прэм'ер-міністр лічыць, што гэта толькі павялічыць напружанне. «Праз некалькі дзён пачнуцца найбуйнейшыя за 40 гадоў вайсковыя вучэнні «Захад-2021».
Падчас іх могуць быць распачатыя спробы правакацый. Ужо сёння на мяжы былі чутныя выбухі на прылеглых палігонах. Такой напружанай сітуацыі на мяжы ў нас не было апошнія 30 гадоў. Гэты крызіс ёсць спробай выклікаць хаос».
Sytuacja na granicy z Białorusią. ⤵ pic.twitter.com/zqBT3myqph
Як зазначыў Марыюш Каміньскі, мігранты забяспечаныя харчаваннем, адзеннем, спальнымі мяшкамі. Іх падвозяць на мяжу. Памежная служба ідэнтыфікуе новыя асобы.
Sytuacja na granicy z Białorusią. ⤵ pic.twitter.com/acpfrX1lRH
«Большая частка асоб, якія перасякаюць мяжу, — грамадзяне Ірака, якія самалётам дабраліся з Багдада ў Мінск». Па яго словах, ёсць група з Афганістана, аднак іх не варта звязваць з апошнімі падзеямі — гэта людзі, якія некалькі гадоў знаходзіліся на тэрыторыі Расіі. «Былі там і працавалі легальна, але ім было прапанавана перабрацца ў ЕС. Яны плацяць у сярэднім 5,5 тысячы даляраў за чалавека [за паслугі па трансферы ў ЕС]. Большая частка здзіўленая, што яны трапілі ў Польшчу, а не ў Нямеччыну», — зазначыў Каміньскі.
На думку шэфа Памежнай службы Томаша Прагі, з беларускага боку цяпер знаходзіцца блізу дзесяці тысяч мігрантаў.
«Мігрантаў забіраюць у Мінску, па іх прыязджаюць мікрааўтобусы, якія затым накіроўваюцца да мяжы, — дадаў Каміньскі. — Там іх прымаюць людзі ў масках, у форме і са зброяй, вядуць іх на мяжу і паказваюць месцы пераходу. Часам ставяць лесвіцы, ствалы дрэў, каб мігранты маглі пералезці праз плот, аднак мы іх затрымліваем з практычна стоадсоткавай выніковасцю».
На прэс-канферэнцыі таксама было ўзнята пытанне магчымай кампенсацыі мясцовым прадпрымальнікам за ўзвядзенне надзвычайнага становішча.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары