Лукашэнка заявіў, што ў жніўні падчас пратэстаў мабілізаваў палову арміі. І сам паехаў пад Гродна
Аляксандр Лукашэнка даў эксклюзіўнае інтэрв'ю часопісу «Национальная оборона». Сярод ужо звыклых заяваў ён прызнаўся, што падняў армію падчас масавых пратэстаў супраць фальсіфікацыі выбараў.
Гаворка ў інтэрв’ю зайшла пра тое, што беларускае войска гатовае даць адпор Захаду. Лукашэнка папрасіў «Іскандэры» на паўднёвы і заходні накірункі і распавёў, як падчас масавых пратэстаў правёў «вучэнні».
‒ Мы вывучаем усе войны. І мы чатыры разы мадэрнізавалі свае Узброеныя Сілы. І арганізацыйна, і штатна, і па тэхніцы. Але ў нас вайна будзе іншая. У нас лясіста-багністая мясцовасць. І калі супраць нас будзе наземная аперацыя, нам трэба ўмець ваяваць на зямлі. А ў нас не вось так проста гэта. У 1941 годзе пачатак вайны мітусіліся. А потым прыйшлося закрываць целамі сваіх людзей пад Масквой…
— Цяпер не прахлопаем?
— Вось таму ўсё і робіцца для таго, каб не прохлопать.
І калі ў жніўні мінулага гады я гэта ўбачыў, я палову войска мабілізаваў. Гэта былі добрыя вучэнні. Паў-арміі!.. І перакрыў там, дзе трэба перакрыць. І сам паехаў пад Гродна.
І «Паланэзы», што ў нас былі, і іншыя, «Кропка-У». Добрая машына. Мы выпарбоўваем, страляем. За 100 кіламетраў ляціць. Зброя добрая… Нам трэба ўмець ваяваць супраць той тэхнікі, якая да нас прыйдзе [з Захаду]. Нам трэба не лунаць у аблоках, а не забываць, што так, ракетамі нас могуць накрыць, але наземную аперацыю яны ніколі не правядуць у Беларусі — мы да гэтага гатовыя. У нас сілы спецыяльных аперацый. Я цалкам пакінуў нашых дэсантнікаў.
— Віцебская дывізія?
- Так-так, Віцебская, якая ваявала ў Аўганістане. Гэта такая, самaя падрыхтаваная.
Цяпер штурхаю вашага прэзідэнта, мне трэба тут нашы гэтыя 500-кіламетровыя ракетныя ўстаноўкі.
— «Іскандэр»?
— «Іскандэр».
Мне трэба некалькі дывізіёнаў на заходнім, на паўднёвым напрамку, няхай стаяць.
Гэта 500 кіламетраў (дальнасць пуску), таму што наш «Паланэз» — да 300 кіламетраў.
Мы бачым, дзе і ракетай трэба нанесці ўдар, і «Кропку» задзейнічаць і «Бук-МБ».
Лукашэнка хоча ўзначаліць Усебеларускі народны сход і перадаць УНС важнейшыя паўнамоцтвы
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары