Сенат ЗША адкрыў, што збіраецца рабіць, калі Расія нападзе на Украіну
Сенат ЗША 12 студзеня апублікаваў законапраект аб санкцыях, якія Штаты плануюць накласці на Расею ў выпадку ўварвання яе войскаў ва Украіну і далейшай эскалацыі расійска-ўкраінскага канфлікту.
Дакумент унеслі 26 сенатараў на чале з Робертам Менендэсам, кіраўніком Камітэта па міжнародных справах ад Дэмакратычнай партыі, паведамляе Reuters.
— Гэты закон абсалютна ясна дае зразумець, што Сенат ЗША не будзе сядзець склаўшы рукі, пакуль Крэмль пагражае паўторным уварваннем ва Украіну, — заявіў сенатар Роберт Менендес.
Сярод прадугледжаных мераў — забарона на ўезд у ЗША і замарозка амерыканскіх актываў прэзідэнта, прэм'ер-міністра, міністра замежных спраў і міністра абароны Расеі, а таксама камандуючых рознымі тыпамі войскаў. Патрапіць пад санкцыі могуць і іншыя асобы, якіх Белы дом палічыць датычнымі да агрэсіі супраць Украіны.
Цягам паўгода Мінфін, Дзярждэпартамент і разведка ЗША мусяць таксама апублікаваць дэталёвы даклад аб маёмасці Уладзіміра Пуціна, ягоных сваякоў і набліжаных да яго бізнэсоўцаў. Да ўсіх іх таксама могуць быць ужытыя санкцыі.
Акрамя таго, цягам 30 дзён пасля ўводу расійскіх войскаў прэзідэнт ЗША будзе абавязаны ўвесці санкцыі супраць як мінімум трох найбуйнейшых расейскіх банкаў.
Санкцыі прапануецца ўвесці і супраць расійскага знешняга доўгу ды газаправода «Паўночны паток — 2».
Акрамя гэтага, ЗША гэтым законам абавязваюцца павялічыць ваенную дапамогу Украіне.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары