Дзярждума Расіі прагаласавала за зварот да Пуціна з просьбай аб прызнанні «ДНР» і «ЛНР»
Дзярждума прыняла зварот да Уладзіміра Пуціна аб неабходнасці прызнання так званых Данецкай і Луганскай народных рэспублік.
Дэпутаты лічаць «абгрунтаваным і маральна апраўданым» прызнанне самаабвешчаных Данецкай і Луганскай народных рэспублік.
«За мінулыя гады на аснове ўсенароднага волевыяўлення ў рэспубліках пабудаваныя дэмакратычныя органы і дзяржавы з усімі атрыбутамі легітымнай улады», — гаворыцца ў звароце.
На думку парламентарыяў,
прызнанне ДНР і ЛНР дазволіць забяспечыць гарантыі бяспекі і абарону насельніцтва ад знешніх пагроз
і «рэалізацыі палітыкі генацыду ў дачыненні да жыхароў рэспублік», а таксама ўмацаваць мір і стабільнасць у рэгіёне і «пакласці пачатак працэсу міжнароднага прызнання абедзвюх дзяржаў».
Ва Украіне заявілі, што магчымае прызнанне непрызнаных рэспублік будзе азначаць аўтаматычны выхад з Мінскіх пагадненняў.
Так званыя ДНР і ЛНР з'яўляюцца часткай Украіны. Прызнанне іх суверэнітэту можа стаць першай часткай уварвання туды расійскіх войскаў з прычыны «абароны» грамадзян ад украінскай «агрэсіі». Падобны сцэнарый быў рэалізаваны ў Крыме.
Дзядок расказаў, як паводзіў бы сябе ў сённяшняй Беларусі і што будзе далей5
Каментары