Беларусы на памятнай цырымоніі ў Бухенвальдзе былі пад нацыянальным сцягам
Сёння, 10 красавіка, адбыўся шэраг мерапрыемстваў, прысвечаных ушанаванню памяці вязняў канцлагераў Бухенвальд і Дора-Мітэльбаў ў Германіі. Афіцыйныя дэлегацыі Расіі і Беларусі арганізатары папрасілі не прыязджаць на мерапрыемства, але дэмакратычныя сілы былі прадстаўленыя.
Замест прадстаўнікоў афіцыйнага Мінска ў якасці прадстаўніка Беларусі быў запрошаны кіраўнік Нацыянальнага антыкрызіснага ўпраўлення Павел Латушка.
«Мы спынім нашу барацьбу толькі тады, калі апошні з вінаватых паўстане перад судом народаў», — фраза з клятвы, зачытанай Паўлам Латушкам на беларускай мове у памяць пра загінулых вязняў канцлагера.
Разам з прадстаўніком дэмакратычных сілаў Беларусі клятву зачыталі таксама прадстаўнікі Украіны і грамадзянскай супольнасці Расіі.
Акрамя таго, Павел Латушка ўсклаў вянок з бел-чырвона-белай стужкай да манумента. Вянок менавіта з такой беларускай сімволікай быў, як паведамляецца, ініцыятыўна замоўлены арганізатарамі мерапрыемства.
Таксама чырвона-зялёны дзяржаўны сцяг быў заменены на бел-чырвона-белы нацыянальны.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага37
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу137137
Каментары