Цяпер на прадпрыемстве працуюць над тым, каб знайсці альтэрнатыву рынку ЕС.
Пра гэта ў эфіры СТВ распавёў старшыня канцэрна «Беллеспаперпрам» Міхаіл Касько.
«Мы павінны разумець, што санкцыі нас не маглі не закрануць, паколькі звыш 40% экспарту прадукцыі канцэрна адпраўлялася на рынкі Еўрапейскага Саюза. Мы ў пэўнай ступені абмежаваныя сёння ў пастаўках туды нашай прадукцыі. У сувязі з гэтым намі былі распрацаваныя антысанкцыйныя праграмы. І цяпер мы працуем над тым, каб знайсці альтэрнатыву Еўрапейскаму саюзу», — сказаў Міхаіл Касько.
Ён адзначыў, што канцэрн даўно наладзіў супрацоўніцтва з расійскімі рэгіёнамі і прадпрымальнікамі. «Асобныя нашы мэблевыя фабрыкі, якія ва ўсіх на слыху, маюць развітую збытавую сетку па ўсіх рэгіёнах Расійскай Федэрацыі, уласныя крамы. Паспяхова наладжанае супрацоўніцтва ў пастаўках асобнай сыравіны, хімічнай прадукцыі ў першую чаргу. Прыемна, што першая машына з мэбляй паехала на Далёкі Усход, у Хабараўскі край», — сказаў кіраўнік канцэрна.
Таксама ён дадаў, што «Беллеспаперапрам» даўно працуе на кітайскім рынку. Па выніках мінулага года экспарт у гэты рэгіён выйшаў на 5-е месца. «Мы даўно пастаўляем туды цэлюлозу. Кітай — адзін з найбуйнейшых нашых спажыўцоў. І цяпер працуем над тым, каб пашырыць асартымент прадукцыі, якая пастаўляецца туды. Ужо пайшлі першыя кантэйнерныя цягнікі з пілапрадукцыяй», — адзначыў Міхаіл Касько.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары