У Ганцавіцкім раёне загінуў васьмігадовы хлопчык, траўмаваны металічным дыскам кола трактара.
У Ганцавіцкім раёне загінуў васьмігадовы хлопчык, траўмаваны металічным дыскам кола трактара.
Як паведамілі БелаПАН у пракуратуры раёна, няшчасны выпадак адбыўся днём 25 жніўня ў вёсцы Хатынічы. У двары свайго дома 48‑гадовы мясцовы жыхар рамантаваў кола ўласнага трактарнага прычэпа. Побач знаходзіўся яго васьмігадовы сын.
Паводле папярэдніх звестак, падчас адкручвання мацавальных балтоў металічных дыскаў кола адбыўся іх самаадвольны разрыў. Адным з дыскаў траўмавала хлопчыка.
Дзіця даставілі ў мясцовую сельскую ўрачэбную амбулаторыю, дзе ён памёр. Папярэдняя прычына смерці — чэрапна‑мазгавая траўма.
Другім дыскам быў траўмаваны яго бацька. З цялеснымі пашкоджаннямі мужчына змешчаны ў хірургічнае аддзяленне Ганцавіцкай цэнтральнай раённай бальніцы.
Праверку па дадзеным факце праводзіць пракуратура Ганцавіцкага раёна.
Каментары