Мінчука асудзілі за ўдзел у пратэсных акцыях 2020 года да трох гадоў «хіміі»
12 красавіка ў судзе Маскоўскага раёна Мінска вынесены вырак 34-гадоваму Руслану Ксёнжыку. Яго прызналі вінаватым паводле арт. 342 Крымінальнага кодэкса і асудзілі да трох гадоў «хіміі». Мужчына знаходзіўся пад вартай з 21 снежня 2021 года, яго вызвалілі ў зале суда, піша «Вясна».
Руслана прызналі вінаватым ва ўдзеле ў «групавых дзеяннях, якія груба парушаюць грамадскі парадак» 9 жніўня 2020 года.
Згодна з абвінавачаннем, ён «з мэтай публічнага выказвання незаконнымі спосабамі сваіх грамадска-палітычных поглядаў і пратэсту, вядзення дэструктыўнай дзейнасці, прыняў актыўны ўдзел у такіх дзеяннях».
Таксама яго прызналі вінаватым ва ўдзеле ў мітынгу 30 жніўня 2020 года. У віну яму ставіліся дзеянні, амаль ідэнтычныя таму, што было падчас першага мітынгу.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары