У Беларусі завяршылася рэгістрацыя на цэнтралізаванае тэставанне, прайсці яго выказалі жаданне 61785 абітурыентаў.
Пра гэта БелТА паведаміў дырэктар Рэспубліканскага інстытута кантролю ведаў Юрый Міксюк.
Самым масавым прадметам ЦТ стала руская мова. Яе будуць здаваць больш за 50,3 тысячы абітурыентаў. Другой па папулярнасці стала матэматыка: яе будуць здаваць 33,8 тысячы чалавек.
Цэнтралізаванае тэставанне стартуе 14 чэрвеня з беларускай мовы, 16 і 17 чэрвеня абітурыенты будуць здаваць рускую мову, 19 чэрвеня пройдзе ЦТ па грамадазнаўстве, 21 і 22 чэрвеня адбудзецца экзамен па матэматыцы, праз дзень — па біялогіі, 26 чэрвеня можна будзе здаць замежную мову (англійскую, нямецкую, французскую, іспанскую, кітайскую), праз дзень — хімію, ЦТ па фізіцы пройдзе 30 чэрвеня, па гісторыі Беларусі — 2 ліпеня, тэст па геаграфіі абітурыенты напішуць 4 ліпеня, па сусветнай гісторыі (найноўшы час) — 6 ліпеня.
Рэзервовымі днямі ЦТ па беларускай і рускай мовах прызначаныя 12 і 14 ліпеня, па астатніх прадметах-12 і 16 ліпеня.
Час пачатку ЦТ у асноўныя і рэзервовыя дні — 11.00.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары