У судзе Бабруйска і Бабруйскага раёна 14 чэрвеня пачаўся разгляд крымінальнай справы супраць палітзняволенага маладзечанца Паўла Пяскова, асуджанага за патасоўку з амапаўцамі да трох гадоў і трох месяцаў калоніі. Праваабаронцам стала вядома, што ў выніку Пяскову прысудзілі яшчэ адзін год зняволення, паведамляе «Вясна».
Прысуд Паўлу Пяскову быў у свой час першым палітычна матываваным прысудам за падзеі 2020 года. Тэрмін палітвязня адправілі адбываць у бабруйскую калонію № 2, дзе супраць яго завялі крымінальную справу па артыкуле 411 КК — «злоснае непадпарадкаванне патрабаванням адміністрацыі папраўчай установы». Крымінальную справу разглядаў суддзя Павел Карцінін.
Раней праваабаронцам стала вядома пра ціск адміністрацыі калоніі на Пяскова — яго рэгулярна змяшчалі ў ШІЗА.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары