Пасля таго, як «Газпрам» аднавіў пастаўкі газу па трубаправодзе «Паўночны паток», Рада ЕС абвясціла, што «ўдакладняе» меры ў дачыненні да авіяцыйных тавараў і тэхналогій, пастаўкі якіх, згодна з дзеючай рэдакцыі санкцый, былі цалкам забароненыя.
«Тэхнічная дапамога Расіі ў сферы авіяцыйных тавараў і тэхналогій пакуль будзе дазволеная ў той ступені, якая неабходная для забеспячэння працы для ўстанаўлення тэхналагічных і галіновых стандартаў Міжнароднай арганізацыяй грамадзянскай авіяцыі ІCАО», — гаворыцца ў рэлізе Рады Еўрасаюза.
З 28 лютага ўлады Еўрасаюза забаранілі прадаваць у Расію самалёты, запчасткі да іх і любое абсталяванне, адзначыўшы, што 75% флоту авіякампаній выраблена на Захадзе і што санкцыі «пагоршаць стан аднаго з ключавых сектараў расійскай эканомікі».
Каментары