Экс-прэзідэнт Эстоніі Томас-Хендрык Ільвес адрэагаваў у сябе ў твітары на пост былога кандыдата ў прэзідэнты Беларусі Андрэя Саннікава, у якім той даваў спасылку на звесткі, колькі беларусаў атрымала за 2021 год дазвол на жыхарства ў Еўропе. Паводле Ільвеса, беларусы да расіян зусім не падобныя, і адрозніваюцца ў лепшы бок.
Ільвес напісаў:
«Але вы ніколі не пабачыце, каб беларусы былі грубымі, невыноснымі, каб яны ўціскалі іншых, праводзілі мітынгі ў падтрымку дыктатара ў сябе дома, енчылі пра сваё «права» быць у Еўропе. Яны еўрапейцы».
But you never see belarusians being rude, obnoxious, harassing others, holding rallies in support of the dictator at home, whining about their “right” to be in Europe. They are Europeans. https://t.co/gPhxQSuPOw
У каментарах фрэнды Ільвеса збольшага пагаджаліся з былым эстонскім лідарам:
«Беларусы сцякалі крывёй у Мінску, спрабуючы зрынуць свайго дыктатара, пакуль расіяне абдымаюць свайго».
«Я памятаю адчуванні, калі пачынаў вандраваць на ўсход. Быў ашаломлены культурнай адрознасцю Беларусі і Расіі. Цывілізацыйны раскол. Так, Беларусь — гэта Еўропа».
«Я працаваў і сустракаўся як з рускімі, так і з беларусамі. Гэта розніца як ноч і дзень. Не падтрымліваў бы для іх візавую забарону».
«Дакладна. Беларусы моцна адрозніваліся ад расіян».
«Беларусы — гэта мужныя і цывілізаваныя людзі, якія выйшлі на вуліцы і рызыкавалі жыццём, каб скончыць з рэжымам нягодніка, які трымае іх у закладніках. Яны перамогуць раней ці пазней, і любая дапамога, пра якую яны просяць, павінна быць аказаная».
Былі, аднак, і процілеглыя ацэнкі, у асноўным з боку фрэндаў-украінцаў:
«Так, правільна, скажыце гэта 13 тысячам беларускіх салдат, якія далучыліся да рашысцкай арміі. Беларусь = Расія».
«Так. Але яны таксама адмаўляюцца плаціць цану за свабоду, чакаючы, калі Украіна пераможа для іх. І наколькі я разумею, гэта тое самае, што і ахвяры хатняга гвалту, яны не ў стане ўзняцца ў дадзены момант, і я не магу не адчуваць, што яны дапускаюць напад на Украіну».
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары