Аб’яднаная грамадзянская партыя не будзе ўдзельнічаць у падрыхтоўцы і правядзенні Беларускага еўрапейскага форуму. Рашэнне пра гэта прыняла палітрада АГП 22 верасня.
Беларускі еўрапейскі форум мае адбыцца 14 лістапада. Ён збярэ прыхільнікаў новай Нацыянальнай кааліцыі. Стварыць яе наважаныя Партыя БНФ, Рух «За свабоду», Хрысціянская дэмакратыя, Малады фронт і шэраг грамадскіх арганізацый.
Лібералы з АГП апынуліся ў складанай сітуацыі: ім трэба або далучыцца да новага правага блоку, дзе яны не будуць мець большасці, або застацца ў пярэстай кааліцыі з камуністамі і партыяй Ляўковіча.
Каментары