Школам загадалі напісаць дыктоўку з цытатай з Лукашэнкі. Некаторым проста давалі спісаць
Дыктоўка ў школах прымеркаваная да Дня народнага адзінства 17 верасня.
«Дзецям на ўроку раздалі раздрукоўкі, сказалі перапісаць і здаць», — дзеліцца адзін з бацькоў.
Тэкст дыктоўкі апублікаваны на Нацыянальным адукацыйным партале.
Вось некалькі вытрымак з яго:
«17 верасня 1939 года вызваленчы паход Чырвонай Арміі паклаў пачатак доўгачаканаму аб’яднанню Заходняй і Усходняй Беларусі. Гэтая падзея стала актам гістарычнай справядлівасці ў дачыненні да беларускага народа, раздзеленага супраць яго волі ў 1921 годзе. Тады ў выніку заключэння Рыжскага мірнага дагавора значная частка Беларусі ўвайшла ў склад Польшчы. На працягу васямнаццаці гадоў амаль чатыры мільёны чалавек, якія жылі ў Заходняй Беларусі, былі пазбаўленыя права гаварыць і вучыцца на роднай мове, развіваць сваю культуру і проста звацца беларусамі».
«1 верасня 1939 года Германія напала на Польшчу, пачалася Другая сусветная вайна. Над жыхарамі заходняй часткі Беларусі навісла пагроза фашысцкай акупацыі. У гэтых умовах Чырвоная Армія перайшла савецка-польскую мяжу і ўзяла пад абарону насельніцтва Заходняй Беларусі. Людзі сустракалі вызваліцеляў кветкамі, аказвалі ім дапамогу».
Дзецям трэба напісаць і наступную цытату Лукашэнкі: «Калі б не было гэтага дня, не было б нашай краіны і не было б нас. Гэта святы для нас дзень».
«Дзень народнага адзінства». Як аб’ядналася Беларусь і якое свята плануе адзначаць улада
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары