Зборная Беларусі па футболе ўжо традыцыйна прайграла. Гэтым разам Казахстану
У 5-м туры Лігі нацый каманда Георгія Кандрацьева прайграла ў гасцях зборнай Казахстана з лікам 1:2. Гэта ўвогуле першы пройгрыш беларусаў казахстанцам у гісторыі сустрэч іх нацыянальных зборных.
Казахстан забіў першы гол на 29 хвіліне, напрыканцы першага тайма, ужо ў дададзены арбітрам час Павел Савіцкі лік зраўняў, але на 79-й хвіліне казахстанскі паўабаронца Байхіёр Зайнутдзінаў усталяваў канчатковы лік.
Беларусы, такім чынам, з двума ачкамі застаюцца на апошнім месцы ў сваёй групе С3 Лігі нацый. Вышэй ім размяшчаюцца Казахстан (13 ачкоў), Славакія (6) і Азербайджан (4). Славакі і азербайджанцы сёння ўвечары гуляюць паміж сабой.
А беларусам застаецца згуляць толькі адзін матч — са славакамі 25 верасня. Ён адбудзецца ў горадзе Бачка-Таполя ў Сербіі, бо зборная Славакіі прынцыпова не захацела прымаць беларусаў у сябе дома «з-за сусветнай палітычнай сітуацыі».
Некалькі дзён таму беларуская зборная прэзентавала сваю новую форму. Але шчасця, як выглядае, не прыносіць і яна.
Чытайце таксама:
Футбольная зборная Беларусі прэзентавала новую форму
Футбольная зборная Славакіі не захацела гуляць з беларусамі дома
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім7
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары