Беларусь і Расія падпісалі пагадненні аб транзіце беларускіх грузаў праз Расію
Прэс-служба Міністэрства транспарту і камунікацый Беларусі паведаміла аб падпісанні з расійскім бокам міжурадавага пагаднення аб транзіце грузаў з нашай краіны па тэрыторыі Расіі.
Міністэрства транспарту і камунікацый адзначае, што дасягнутыя дамоўленасці гарантуюць з'яўленне новых варыянтаў дастаўкі беларускіх тавараў за межы «Саюзнай дзяржавы» морам і сушай, а таксама адкрываюць для беларускіх юрыдычных асоб дадатковыя магчымасці для супрацоўніцтва з расійскімі арганізацыямі, якія прадстаўляюць транспартныя паслугі.
Па словах кіраўніка расійскага Мінтранса Віталя Савельева, рэалізацыя пагаднення дазволіць Беларусі «захаваць аб'ём экспарту і выйсці на новыя рынкі». Чыноўнік таксама згадаў, што паспяхова рэалізуецца падпісанае ў лютым 2021 года пагадненне аб перавалцы беларускіх нафтапрадуктаў праз расійскія парты.
Па словах Савельева, транзіт прадукцыі беларускай нафтавай прамысловасці праз тэрыторыю Расіі ў 2022 годзе будзе больш за запланаваны прыкладна на чвэрць (600 тысяч тон) і дасягне 3 мільёнаў тон.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары