Расія спрабуе ўцягнуць Беларусь у адкрытую вайну з Украінай, заявіў прадстаўнік Галоўнага ўпраўлення разведкі мінабароны Украіны Вадзім Скібіцкі, паведамляе BBC.
«Мы бачым мерапрыемствы, якія праводзяцца Расіяй для таго, каб прымусіць кіраўніцтва Беларусі ўступіць у адкрытую вайну. Пастаянна праводзяцца сустрэчы Пуціна і Лукашэнкі, дзе абмяркоўваецца гэтае пытанне, і Пуцін спрабуе схіліць Лукашэнку да гэтага рашэння», — сказаў ён у тэлеэфіры.
Па даных украінскай вайсковай выведкі, цяпер уздоўж украінскай мяжы і ў непасрэднай блізкасці ад яе сканцэнтравана шэсць беларускіх вайсковых падраздзяленняў. Сярод іх ёсць механізаваныя батальёны, батальёны паветрана-дэсантных войскаў і спецназ.
Пры гэтым у выведцы мяркуюць, што сам Лукашэнка катэгарычна супраць удзелу беларускіх войскаў у вайне з Украінай.
Напярэдадні амбасадару Украіны ў Беларусі была ўручаная дыпламатычная нота, у якой сцвярджаецца, што камандаванне УСУ нібыта планавала нанесці ўдар па тэрыторыі Беларусі.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары
Пытаньне рытарычнае - беларусы хочуць вярнуць Смаленск ці не >.