Выкладчык з Пінска паўдзельнічаў у «міліцэйскай спецаперацыі», і гэта яму выйшла бокам
Чарговай ахвярай тэлефонных махляроў стаў 65-гадовы выкладчык з Пінска. Мужчына звярнуўся ў міліцыю з просьбай вярнуць пазычаныя ім грошы. Аказалася, што ён думаў, нібыта памагаў сілавікам выяўляць зламыснікаў, паведамляе УУС Брэсцкага аблвыканкама.
Было ўстаноўлена, што пінчуку ў Viber неаднаразова паступалі званкі ад невядомых, якія прадстаўляліся супрацоўнікамі банка, міліцыі, Следчага камітэта. «Супрацоўнікі» нібыта задзейнічалі яго ў спецаперацыі па выяўленні карумпаваных банкіраў, якія падманваюць грамадзян.
Кіруючыся інструкцыямі ад невядомых асоб, выкладчык усталяваў на мабільны тэлефон спецыяльную праграму «AnyDesk». З яе дапамогай ашуканцы адсочвалі і кантралявалі ўсе дзеянні мужчыны, у тым ліку даведаліся канфідэнцыйную інфармацыю пра ягоны банкаўскі рахунак.
Галоўнае ж — пінчука пераканалі аформіць крэдыты ў трох розных банках на агульную суму 52 850 рублёў. Пасля атрымання грошай па крэдытах мужчына перавёў грошы на банкаўскі рахунак тэлефонных махляроў, а пасля спісання грошай з рахунку «супрацоўнікі» перасталі выходзіць на сувязь.
Тым не менш, мужчына да апошняга верыў, што меў зносіны з сапраўднымі супрацоўнікамі міліцыі і Следчага камітэта.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары