Расія хоча пакінуць украінцаў без электрычнасці і вады: Луцк, Роўна і Хмяльніцкі абясточаныя пасля атакі
На Кіеўшчыне працуе СПА.
Раніцай у суботу па ўсёй Украіне была абвешчаная паветраная трывога. У некалькіх абласцях адбыліся выбухі. Адбыўся запуск ракет з поўдня.
У Луцку адбылося некалькі выбухаў. Пасля нападу ў некаторых раёнах горада адсутнічае электрычнасць.
Прагрымелі выбухі і ў Роўна. Гараджане таксама паведамілі пра перабоі са святлом і вадой.
У той жа час кіраўнік Кіеўскай абласной ваеннай адміністрацыі Аляксей Кулеба апавясціў, што ў Кіеўскай вобласці працуе СПА.
«Знаходзіцеся ў сховішчах… Памятаеце пра забарону на фота-і відэафіксацыю працы супрацьпаветранай абароны, варожых аб'ектаў і іх падзення. Беражыце сябе і захоўвайце спакой!»,— адзначыў ён.
Кіраўнік Хмяльніцкай ОВА Сяргей Гамалій праінфармаваў, што ў Хмяльніцкай вобласці чутныя выбухі. Таксама мясцовыя СМІ паведамляюць аб выбухах у Адэскай вобласці.
«Просім па магчымасці зрабіць запасы вады, бо праз гадзіну яна таксама знікне», — гаворыцца ў паведамленні.
Таксама ў сацсетках паведамляюць аб выбухах у Львоўскай вобласці.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым5
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары