«Няма ніякіх прыкмет таго, што Расія рыхтуе наступальныя вайсковыя дзеянні супраць НАТА», — заявіў генеральны сакратар Паўночнаатлантычнага альянсу Енс Столтэнберг на прэс-канферэнцыі з нагоды трагічнага інцыдэнту ў Польшчы, дзе напярэдадні ў выніку падзення ракеты загінулі два чалавекі.
Столтэнберг выказаў здагадку, што снарад, які ўпаў у Пшэводуве, быў выпушчаны ўкраінскай сістэмай СПА, такое ж меркаванне выказаў сёння прэзідэнт Польшчы Анджэй Дуда, а да яго — прадстаўнікі Масквы і Вашынгтона. Зрэшты, генеральны сакратар НАТА сказаў, што для канчатковых высноў трэба дачакацца вынікаў расследавання.
Калі ракета сапраўды ўкраінская, НАТА не будзе выстаўляць Кіеву ніякіх прэтэнзій, паабяцаў Столтэнберг, бо вайну развязала Масква, а Украіна толькі абараняецца ад знешняй агрэсіі.
«Гэта не віна Украіны; у канчатковым выніку адказнасць [за тое, што адбылося] нясе Расія, якая працягвае весці незаконную вайну супраць Украіны», — растлумачыў генеральны сакратар.
Столтэнберг таксама падкрэсліў, што з-за інцыдэнту ў Польшчы краіны НАТА не маюць намеру задзейнічаць артыкул 4 Паўночнаатлантычнага дагавора, у якім прапісаны механізм рэагавання на знешнюю пагрозу.
Па словах Столтэнберга, саюзнікі па НАТА выказалі «рашучую падтрымку» свайму саюзніку Польшчы і «глыбокія спачуванні ў сувязі з трагічнай гібеллю людзей» пасля выбуху ракеты.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары