Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці», — там з'явіліся прозвішчы яшчэ сямі чалавек. Цяпер у ім 958 чалавек, з іх 213 — беларусы.
Цяпер сярод «асоб, якія маюць дачыненне да тэрарыстычнай дзейнасці», — палітвязні Дзяніс Максімаў, Сцяпан Таўкачоў, Іван Супрунчык, Павел Ганчарык, Сяргей Фісюк, а таксама Ігар Хрыстафораў і Андрэй Быкаў, піша «Новы час».
Вязняў судзілі за распальванне варожасці ці варажнечы, некаторым дадавалі артыкулы пра незаконны збор і распаўсюд звестак аб прыватным жыцці, пра абразу беларускага кіраўніка ці абразу прадстаўніка ўлады Рэспублікі Беларусь.
У спіс дадалі палітзняволеную Вольгу Цыбульскую — прычым другі раз. Яе ўнеслі ў тэрарыстычны спіс яшчэ 15 верасня, а цяпер проста прадублявалі яшчэ раз. Вольгу асудзілі да 2,5 гадоў зняволення ў калоніі паводле артыкулаў за абразу прадстаўніка ўлады і распальванне варожасці ці варажнечы.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец137
Каментары