Тры чвэрці літоўцаў кепска ставяцца да Беларусі, але гэта не антырэкорд
Кампанія Baltijos tyrimai па замове Літоўскай нацыянальнай тэлерадыёкампаніі правяла ў канцы 2022 года сацапытанне. Каля 1000 чалавек распавялі пра сваё стаўленне да розных краін, піша Delfi.
Лепш за ўсё літоўцы ставяцца да Польшчы: 24% рэспандэнтаў ацэньваюць гэту краіну вельмі станоўча і яшчэ 66% — хутчэй станоўча. На другім месцы — Германія (16% вельмі станоўча і 66% — хутчэй станоўча). На трэцім месцы Украіна і Вялікабрытанія: 27 на 54 і 22 на 59 працэнтаў адпаведна.
Да Беларусі вельмі негатыўна ставяцца 32% апытаных, хутчэй негатыўна — 43%. Вельмі станоўча да нашай краіны ставяцца толькі 3%, а хутчэй станоўча — 14%. Такім чынам, кепскае стаўленне да Беларусі паказалі тры чвэрці апытаных.
Адзначаецца, што літоўскія палякі аказаліся адзінай групай рэспандэнтаў, якія ацанілі Беларусь станоўча, — 53% абралі такія варыянты адказаў.
Найгоршае стаўленне ў літоўцаў да Расіі. 64% апытаных ставяцца да гэтай краіны вельмі негатыўна, 26% — хутчэй негатыўна.
Кітай вельмі негатыўна ацанілі 13% літоўцаў, яшчэ 44% — хутчэй негатыўна. Але ў параўнанні з мінулым даследаваннем, зробленым у лютым, стаўленне да Кітая палепшылася, а да Расіі і Беларусі — пагоршылася.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары
у 2022 годзе наведалі 315 тысяч грамадзян Літвы ?
што ў сем разоў больш, чым за аналагічны перыяд летась