За здзяйсненне серыі крадзяжоў ровараў у Мінску затрымалі 18-гадовага хлопца, паведаміла ГУУС Мінгарвыканкама.
Фота ілюстрацыйнае
«Устаноўлена, што малады чалавек заходзіў у пад'езды жылых дамоў услед за жыхарамі альбо тэлефанаваў у дамафон і называўся «суседам, які забыўся ключы». Патрапіўшы ў пад'езд, фігурант шукаў пакінутыя на лесвічных клетках, а таксама ў тамбурах ровары, якія выкрадаў», — гаворыцца ў паведамленні.
Выкрадзеныя ровары хлопец нібыта захоўваў па месцы жыхарства і здаваў у ламбарды за 100—150 рублёў, а грошы траціў на асабістыя патрэбы.
На гэты момант устаноўлена, што затрыманы меў дачыненне да крадзяжу сямі ровараў на тэрыторыі сталіцы, па гэтых эпізодах завялі крымінальныя справы.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая9
Каментары