Знайшлі дзяўчыну з дэкальтэ, якая прыцягнула ўвагу вядучага салаўёўскай перадачы
У сеціве разляцелася відэа, як вядучы праграмы «Салаўёў Live» Сяргей Карнавухаў у жывым эфіры робіць скрыншот маладой дзяўчыны. Ён глядзеў выступ Лукашэнкі, калі яго ўвагу прыцягнула маладая асоба ў блакітным. Хто ж яна?
У відэа, пра якое размова, вядучы ўключыў фрагмент прамовы Лукашэнкі за 2 ліпеня 2022 года, дзе той абураўся сцверджанням, што «Пуцін пешкі ходзіць па Беларусі і ўсё вырашае». У зале тады сабралі людзей з розных рэгіёнаў краіны. Выпуск Карнавухава мог бы прайсці незаўважна, калі б не адна дэталь — расійскі вядучы ў жывым эфіры пачаў рабіць скрыншот гледачоў у зале, а менавіта маладой дзяўчыны ў блакітнай сукенцы. Экран яго планшэта быў выведзены ў эфір, таму гэта пабачылі ўсе.
Тая дзяўчына з залы — 21-гадовая Настасся Кузняцова, студэнтка юрфака Гомельскага дзяржаўнага ўніверсітэта імя Францыска Скарыны.
Яна актыўная ўдзельніца розных мерапрыемстваў, якія арганізуюць Выканкам СНД ці Моладзевы парламент.
У акаўнце дзяўчыны ёсць і фота ў кашулі з нацыянальным арнаментам.
«Жрыца культа прыгажосці», — стаіць у апісанні яе старонкі ў інстаграме. Там жа пазначана, што яна «дзяржслужачая».
«Здавалася, што такая сітуацыя можа адбыцца з кім заўгодна, але дакладна не са мной», — пажартавала сама дзяўчына ў сторыз у інстаграм наконт нечаканай папулярнасці.
«А як заўсміхаўся ў канцы, ну сок», — пракаментавала яна рэакцыю вядучага салаўёўскай перадачы.
Тое выступленне Лукашэнкі напярэдадні дзяржаўнага Дня незалежнасці яна апісала як «на найвышэйшым узроўні».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары