Лукашэнка прыляцеў у Маскву на парад. Да апошняга гэта не афішавалася
Раней меркавалася, што кампанію Пуціну на парадзе, які адбудзецца раніцай 9 Мая на Краснай плошчы, складзе толькі прэзідэнт Кыргызстана Садыр Жапараў. Аднак учора Масква заявіла, што запрасіла на ўрачыстасці прэзідэнтаў Таджыкістана і Туркменістана, а сёння стала вядома, што ў Маскву прыбудуць і кіраўнікі Казахстана Касым-Жамарт Такаеў, Арменіі Нікол Пашынян і Узбекістана Шаўкат Мірзіёеў.
У Беларусі ж з-за гэтага ў праграме святкавання 9 Мая ўскладанне кветак на плошчы Перамогі ссунулі на вечар, 19:00. Звычайна яно адбывалася ранкам.
У апошняе дзесяцігоддзе Аляксандр Лукашэнка рэдка бываў на Дзень Перамогі ў Маскве.
Аднак сёлета прысутнасць саюзнікаў важная Уладзіміру Пуціну ва ўмовах, калі расійскія войскі ва Украіне буксуюць і на гэтым фоне пачаліся публічныя звадкі між яго сілавікамі. 3 мая беспілотнікі ўзарваліся каля флагштока рэзідэнцыі прэзідэнта ў Крамлі.
Постсавецкія дыктатары выкарыстоўваюць перамогу ў Другой сусветнай вайне для апраўдання свайго супрацьстаяння з Захадам і прэтэнзій на асаблівую ролю.
Нацысцкая Германія капітулявала 78 гадоў таму, познім вечарам 8 мая. У СССР пра заканчэнне вайны стала вядома 9 мая, гэтая дата і стала святочнай. У першыя дзесяцігоддзі пасля вайны гэты дзень святкавалі сціпла, з часам ён стаў усё больш пампезным. Цяпер, калі ветэранаў амаль не засталося, з яго зляпілі цэлы культ з разнастайнымі рытуаламі.
На шэсце з ускладаннем кветак «Беларусь памятае», у прыватнасці, штогод у пэўны час зганяюць працоўных і навучэнцаў.
У краінах Еўрапейскага саюза 9 мая адзначаецца Дзень Еўропы. Ідэя гэтага свята — каб памяць пра вайну нагадвала людзям пра важнасць міру і адзінства еўрапейскіх народаў, якія здолелі пражыць амаль восем дзясяткаў гадоў без войнаў.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары