У Браслаўскім раёне шэсць чалавек пацярпела пры сутыкненні мінівэна з фурай
ДТЗ адбылося сёння каля шостай вечара на дарозе Р-27 «Браслаў — Паставы — Мядзел», паведаміла прэс-служба МУС.
23-гадовы кіроўца грузавога «Рэно» пры павароце налева не даў перавагу сустрэчнаму «Фіяту», за рулём якога быў 31-гадовы мужчына. У выніку сутыкнення кіроўца і пяцёра пасажыраў мінівэна (25, 52, 64-гадовая жанчыны, а таксама 51 і 54-гадовы мужчыны) з рознымі траўмамі патрапілі ў бальніцу.
Паводле інфармацыі Мінздароўя, пасля паўторнага агляду і кансіліуму ўрачы шпіталізавалі чатырох пацярпелых у рэанімацыйнае аддзяленне, двух — у аддзяленне хірургіі.
Ва ўсіх дыягнаставаныя траўмы рознай ступені цяжкасці, у тым ліку чэрапна-мазгавыя, спінальныя, унутраных органаў.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары