За «экстрэмізм» судзяць гамельчука, які спрабаваў выехаць з Беларусі ў Літву
Віктара Залатарэўскага затрымалі 3 сакавіка 2023 года каля Воранава ў Гродзенскай вобласці, калі ён спрабаваў выехаць з Беларусі ў Літву. Пры аглядзе яго мабільнага тэлефона супрацоўнікамі міліцыі былі выяўлены падпіскі на тэлеграм-каналы, прызнаныя «экстрэмісцкімі».
У Гомельскім абласным судзе 14 ліпеня пачынаецца разгляд крымінальнай справы палітвязня Віктара Залатарэўскага, якога абвінавачваюць у стварэнні экстрэмісцкага фарміравання альбо ўдзеле ў ім (ч. 3 арт. 361-1 КК) і садзейнічанні экстрэмісцкай дзейнасці (ч. 1 арт. 361-4 КК), піша «Вясна».
Справу прызначылі разглядаць суддзі Алегу Харошку.
28-гадовага гамельчука Віктара Залатарэўскага затрымалі 3 сакавіка 2023 года каля Воранава Гродзенскай вобласці, калі ён спрабаваў выехаць з Беларусі ў Літву. Пры аглядзе яго мабільнага тэлефона супрацоўнікамі міліцыі былі выяўлены падпіскі на тэлеграм-каналы, прызнаныя ўладамі «экстрэмісцкімі».
Да суда Залатарэўскі ўтрымліваўся ў турме №1 Гродна.
Як атрымалася высветліць Mayday.Team, мужчына спачатку быў арыштаваны па арт. 19.11 КаАП Беларусі (распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць).
Але 10 сакавіка, у дзень вызвалення, яму былі выстаўлены абвінавачанні па падазрэнні ў злачынстве, прадугледжаным паводле арт. 361-1 і арт. 361-4 Крымінальнага кодэкса за нібыта рэгістрацыю ў плане «Перамога».
Вядома, што да падзей сакавіка мужчына працаваў у Мінску ў адной з дзяржаўных арганізацый і жыў у інтэрнаце. Пасля затрымання быў звольнены.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны9
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары