Жыхар Наваполацка пацярпеў за падпіску на сем «экстрэмісцкіх» СМІ
Суддзя суда Наваполацка Зінаіда Балаболава 7 ліпеня пастанавіла арыштаваць на 15 сутак Сяргея Крупкіна. На думку гэтай сумнавядомай не толькі ў гэтым горадзе суддзі, мужчына быў вінаваты ў распаўсюджванні «экстрэмізму» ў сацыяльных сетках, піша «Віцебская вясна».
У судзе высветлілася, што Крупкін, як карыстальнік сацыяльнай сеткі «УКантакце», быў падпісаны на канал «Радыё Свабода-Беларусь», інтэрнэт-старонкі «Мая Краiна Беларусь» і «STOP LUKA», а таксама быў сябрам ў суполках «Наш край», «Хартыя'97», «Дрэнныя навіны Беларусь» і «Краіна для жыцця». Усе гэтыя інфармацыйныя рэсурсы раней залічылі ў рэспубліканскі спіс «экстрэмісцкіх матэрыялаў».
На судовым пасяджэнні «правапарушальнік» віны не прызнаў. Пры гэтым ён не адмаўляў таго, што на ягонай старонцы ва «УКантакце» меліся пералічаныя СМІ, але ён не лічыць іх экстрэмісцкімі.
Апраўданні Сяргея суддзя Балаболава палічыла непераканаўчымі і на падставе ч. 2 арт. 19.11 КаАП пакарала яго арыштам тэрмінам на 15 сутак з «канфіскацыяй прадмета адміністрацыйнага правапарушэння, без канфіскацыі прылад і сродкаў здзяйснення правапарушэння».
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары