Тры кампаніі з беларускім капіталам увайшлі ў топ-20 найбуйнейшых бізнэсаў Даўгаўпілса
Падатковыя органы Латвіі завяршылі аналіз фінансавых справаздач за 2022 год. Зыходзячы з дакументаў, можна зрабіць выснову, што кампаніі з беларускімі каранямі актыўна нарошчваюць сваю прысутнасць у Даўгаўпілсе — другім па значэнні латвійскім горадзе. Усе яны з прыборабудаўнічай сферы, адзначае Office Life.
Чацвёртае месца ў эканоміцы Даўгаўпілса летась заняла кампанія Pulsar Optics. Яна была створаная ў 2020 годзе і з'яўляецца адной з вытворчых пляцовак зарэгістраванага ў Літве холдынга па выпуску і вытворчасці прыцэлаў Yukon Advanced Optics Worldwide. Яго ключавым уладальнікам быў беларус Аляксандр Альшэўскі, які ўвесну гэтага года памёр на 61-м годзе жыцця.
Па выніках 2022 года выручка Pulsar Optics вырасла ў 2,44 разу і склала 52,6 млн еўра. З гэтым паказчыкам даўгаўпілская кампанія стала найбуйнейшым бізнэсам беларусаў у Латвіі і ўвайшла ў топ-200 кампаній краіны. Чысты прыбытак Pulsar Optics перавысіў 12,3 млн еўра.
Сярод 20-ці найважнейшых працадаўцаў сталіцы Латгаліі фігуруе яшчэ дзве прыборабудаўнічыя кампаніі з каранямі з Беларусі. Адна з іх — Regula Baltija, якая выпускае прыборы для верыфікацыі дакументаў, грошай і г. д. Па 40% у яе капітале належаць заснавальнікам групы Regula Івану Шумскаму і Юрыю Рагожынскаму. У 2022-м выручка гэтага бізнэсу вырасла на 33% і склала 12,4 млн еўра.
Другая кампанія — вытворца электронных кампанентаў на замову SMD Baltic. Яго продаж вырас на 86% і дасягнуў 11,8 млн еўра.
Беларуска, якая атрымала спецыяльны прыз ад Паўла Лібера, расказала, як адкрывала касметалагічны бізнэс
«Хочацца ўсіх абняць і разам паплакаць». Невясёлая гісторыя беларускага айцішніка-сеньёра ў Польшчы, якому ледзь хапае грошай да заробку
«Мы не імкнемся капіяваць Amazon і AliExpress». Стваральнік беларускага маркетплэйса за мяжой расказаў, калі чакаць запуску пляцоўкі
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары