Ініцыятыва Girls Power Belarus, якая распачала жаночыя маршы, змяняе фармат
12 жніўня, у трохгадовую гадавіну пачатку жаночых пратэстаў у Беларусі, ініцыятыва Girls Power Belarus, якая арганізоўвала жаночыя акцыі, абвясціла пра змену фармату працы. Яна падзяляецца на два праекты.
Раней медыяпраект Girsl Power Belarus складаўся з тэлеграм-канала і інстаграм-акаўнта. З дапамогай сваіх старонак аўтаркі праекта не толькі арганізоўвалі акцыі, але і расказвалі пра фемінізм і правы жанчын, а таксама збіралі грошы для палітзняволеных жанчын і беларусак, якія пацярпелі ад гвалту.
Цяпер жа праект падзеліцца на дзве часткі. Тэлеграм-канал атрымаў назву «Спачатку жанчыны, потым жанчыны», а старонка ў інстаграме працягне працу пад старой назвай Girls Power Belarus.
На тэлеграм-старонцы яе аўтаркі абяцаюць весці фемінісцкую хроніку і даваць прастору для размовы пра барацьбу з патрыярхатам і гендарную роўнасць. Што да інстаграм-акаўнта, то там анансуюць публікацыі пра яркіх беларусак, жаночую сілу і салідарнасць.
Стваральніцы праекта таксама раскрылі свае асобы. Першая з іх — Ксенія Малюкова, намесніца прадстаўніцы Аб'яднанага пераходнага кабінета па сацыяльнай палітыцы Вольгі Гарбуновай. Ксенія — анархістка, яна займаецца актывізмам 13 гадоў. З'ехала з Беларусі ў верасні 2020 года. Апошнія тры гады каардынуе створаны ёй Girls Power Belarus, а таксама ладзіць спецпраекты па зборы грошай для палітвязняў.
Сваю асобу таксама раскрыла Наталля Жукоўская, галоўная рэдактарка праекта. Акрамя Girls Power Belarus, яна актыўна працуе ў сацыяльных праектах, у мінулым дакументавала катаванні і дапамагала ладзіць дабрачынныя зборы.
«Наша Нiва» — бастыён беларушчыны
ПАДТРЫМАЦЬЖанчыны ў атачэнні Лукашэнкі: чаму і што ён ім давярае. Вялікая гутарка з Альмірай Усманавай
«Гэта плявок у твар жаночаму руху». Феміністкі разважаюць, што не так са святам 8 Сакавіка
Каментары